БЕЛАРУС № 570 за ліпень 2010 г. 

 

Абвесткі, уплаты 

    

Літаратурны альманах “Беларус” за 2010 год

 

Шаноўнае спадарства!

   З пачаткам чэрвеня закончыўся тэрмін збору твораў для чарговага, ужо чацьвёртага па ліку, альманаху беларускіх пісьменьнікаў замежжа “БЕЛАРУС” за 2010 год. Наступны крок - гэта падрыхтоўка тэкстаў і друк самога выданьня. Маем надзею, што да канца жнівеня вы зможаце трымаць яго ў руках.

   Нажаль, сёлета з-за высокіх выдаткаў друку і вельмі абмежаваных фінансавых магчымасьцяў рэдакыі далёка ня ўсе падпісчыкі газэты “Беларус” змогуць атрымаць альманах у якасьці падарунка, як было летась. Бескаштоўна альманах будзе дасланы толькі тым асобам, што ахвяравалі на выдавецкі фонд газэты суму, большую за кошт гадавой падпіскі (г. зн. больш за $50).

   Усе іншыя падпісчыкі маюць магчымасьць замовіць выданьне поштаю па зьніжанаму кошту, які сёлета складае $12.

   Калі вы не выпісваеце газэту “Беларус”, то кошт альманаху для вас будзе $15. Замова аднаго асобніка альманаху для жыхароў Канады  будзе каштаваць $18, усіх іншых краінаў сьвету $20.

   Калі ласка, дасылайце свае замовы і аплату загадзя. Гэта дапаможа дакладней вызначыць наклад выданьня. Замовы дасылайце на адрас:

BIELARUS

P. O. Box 3225

Farmingdale, NY 11735

   Чэкі ці грашовыя пераводы выпісвайце на імя BIELARUS.

   З пытаньнямі кантактуйце рэдакцыю. 

---------------------------------- 

 

Набліжаецца верасень і разам зь ім час правядзеньня чарговай

29-й Сустрэчы Беларусаў Паўночнай Амэрыкі

Канфлікт у БАЗА прывёў да таго, што Сустрэчу цяпер рыхтуюць дзьве розныя групы людзей у розных месцах. Сутнасьць канфлікту ў тым,

што аддзелы БАЗА ў Нью-Ёрку і Нью-Джэрзі не прызнаюць легітымнасьць кіраўніцтва старшыні ГУ Вячкі Станкевіча з-за парушэньняў, якія мелі месца

 падчас выбараў яго на гэтую пасаду і патрабуюць правядзеньня надзвычайнага Кангрэсу БАЗА для выпраўленьня гэтых парушэньняў.

Сп. Станкевіч, у сваю чаргу, лічыць гэтыя прэтэнзіі неабгрутнаванымі і, не шукаючы шляхоў для палагоджаньня канфлікту,

працягвае лічыць сябе легітымным кіраўніком БАЗА.

Больш інфармацыі пра падрыхтоўку да Сустрэчы ёсьць на вэбстаронках:

Нью-Ёрскага аддзелу БАЗА:  http://baza-belarus.org

Галоўнай управы БАЗА: http://www.bazahq.org

Iснуе магчымасць, што да верасьня паразуменьне будзе знойдзена і адбудзецца агульная імпрэза.

Больш інфармацыі будзе ў жнівеньскім нумары “Беларуса”.

 ---------------------------------- 

 

BELARUSIAN INSTITUTE OF ARTS AND SCIENCES, Inc.

БЕЛАРУСКI IНСТЫТУТ НАВУКI Й МАСТАЦТВА

330 Park Street, Haworth, NJ 07641   Tel.: (201) 244-0788

 

КАМУНIКАТ

 

  Як паведамляася, пад маркаю БIНіМ апрацоўваюцца й рыхтуюцца да друку: 

- другое выданьне, значна дапоўненае, твораў ведамага паэта й празаіка Ўладзімера Дудзіцкага (рэдактар Лявон Юрэвіч);

- вялікая даведкава-гістарычная кніга “Гісторыя БАЗА” (аўтар Зьміцер Саўка);

- манаграфія, прысьвечаная мітрапаліту БАПЦ Мікалаю (аўтар Юрась Гарбінскі);

- некалькі бібліяграфічна-архіўных дасьледаваньняў.

 

   На выданьне гэтых кнігаў патрэбныя сродкі. Пры гэтым падкрэсьліваем, што ўся інтэлектуальная праца над публікацыямі вядзецца ў БIНіМе бясплатна, а плаціцца толькі за друк. 

   Дадзены камунікт – зварот да грамадзтва аб падтрымцы друкаў БIНіМу. Ахвяруйце колькі можаце. Кожнае ахвяраваньне – здабытак для нацыянальнае культуры. 

Ахвяраваньні слаць на адрас:      

BINiM

  330 Park Street

Haworth, NJ 07641

др. Вітаўт Кіпель, Старшыня БIНіМ

 ---------------------------------- 

 

У нядзелю, 18 ліпеня 2010 году, традыцыйным Маршам пачынаецца

Тыдзень Паняволеных Народаў,

які быў зацьверджаны Кангрэсам ЗША праз Грамадскі закон 86-90 яшчэ ў 1959 годзе,

як выказ пратэсту народаў сьвету супраць камуністычнай і таталітарнай тыраніі ў сьвеце.

У імпрэзах Тыдня і ў Маршы Паняволеных Народаў традыцыйна бярэ ўдзел беларуская грамада Нью-Ёрку і Амэрыкі.

 

  9:00    –  збор удзельнікаў Маршу на Пятай авэню на 59-й вуліцы (ля фантану гатэлю Пляза).

10:00    –  імша за Паняволеныя Народы ў Катэдры сьв. Патрыка на 5-q авэню і 50-й вул.

11:00    –  Марш Паняволеных Народаў па Пятай Авэню да 72-й вул.

12:00    –  афіцыйнае адкрыцьцё Тыдню Паняволеных Народаў (Цэнтр. парк).

 

   Пасьля Маршу, а 2-й гадз. Папаўдні ў Цэнтральным парку ля помніка Ягайлу (79 вул., каля Чарапашай сажалкі –Turtle Pond)

адбудзецца ліпеньскі сход Нью-Ёрскага аддзелу БАЗА.

---------------------------------- 

 

   СОКАЛАЎ Сьветавіт Анатоль пасьпяхова скончыў вучобу ў сярэдняй школе Iст-Брансўіку (East Brunswick High School) і

паступіў у Ратгэрс Унівэрсытэт (Rutgers University) па спэцыяльнасьці палітычныя навукі й эканоміка (Political Science & Economics).

   Дарогу ў навуку пачаў у Міжнароднай Брытанскай школе ў Празе. Працягваў у Міжнароднай амэрыканскай школе і школе ў г. Мангасэце (Лонг-Айлэнд).

Ад першай клясы ёсьць сябрам розных скаўцкіх арганізацыяў. Сярод асноўных захапленьняў заняткі гакеем і музыкай (гітара). 

   Бацькі й крэўныя, а таксама сябры зычуць яму добрай дарогі.

----------------------------------

 

Prastora.by – iнтэрнэт-крама кнiгаў на беларускай мове. Тут вас чакае вялiкi выбар мастацкай i навукова-папулярнай лiтаратуры,

новыя выданьні, а таксама рэдкія кнігі. Побач з кнігамі на нашых віртуальных паліцах аўдыёкнiгi, музычныя кампакт-дыскі,

вiдэа, сувэнiры ды iншыя беларускія тавары. Даступныя цэны, зручныя спосабы аплаты, дастаўка па ўсім сьвеце!

Замову можна зрабіць па тэлефоне або даслаць на e-mail, аформіць непасрэдна праз сайт ці пры дапамозе сэрвісу Skype.

Падрабязная інфармацыя на нашым сайце www.Prastora.by

Зычым усім беларусам паболей беларускае прасторы наўкола!

Каманда Prastora.by

----------------------------- 

 

 НА ВЫДАВЕЦКІ ФОНД “БЕЛАРУСА” АХВЯРАВАЛІ:

 

У. Набагез                           200

Т. Стагановіч                        100

В. Цярпіцкі                           100

Бел. Гр. Цэнтар у С.-Рывэры 50

Н. Ганіч                                 50

Н. Духовіч                             50

М. Запольскі                          50

М. Касьцюк                           50

Ю. Новічкава                         50

Н. Піваварчык                        50

У. Піерс-Адашкевіч                50

Р. Ражко                                50

Н. Хрыпач                              50

М, Швэдзюк                           40

 Усім шчыры дзякуй!

--------------------------------------------

 

  Удакладненьне. Ахвяраваньне ў $100 сп. Багдана Паўка, пра якое паведамлялася ў чэрвеньскім нумары “Беларуса”,

было зробленае ў памяць Вітаўта і Веры Рамукоў.

  Сп. Багдан Паўк таксама ахвяраваў у траўні сёлета $50 у памяць др. Вітаўта Рамука.

 --------------------------------------------

 

Паважаныя Натальля Баравік, Ільля Клімаў, Тацьцяна Яседчык, калі ласка, паведаміце рэдакцыі ваш дакладны паштовы адрас, калі ён зьмяніўся.

Дасланыя вам у чэрвені газэты вярнуліся назад. 

--------------------------------------------

Газэта “БЕЛАРУС” бясплатна надрукуе кароткія прыватныя аб’явы некамэрцыйнага характару, віншаваньні, запрашэньні, спачуваньні ды інш. Наконт разьмяшчэньня рэклямы кантактуйце рэдакцыю.