На 280 старонках гэтага выданьня зьмешчаныя творы 23 беларускамоўных аўтараў, якія зараз жывуць у 9 краінах сьвету. Шмат тых, хто друкаваліся ў папярэдніх нумарах “БЕЛАРУСА”, даслалі свае творы і ў гэты выпуск. Нагадваем, што зьмясьціць свае творы ў альманаху маглі тыя аўтары, якія жывуць па-за межамі Беларусі. Ёсьць сярод іх вядомыя пісьменьнікі й паэты, але большасьць складаюць тыя, чые імёны пакуль мала вядомыя шырокаму колу чытачоў. 

   Хочацца выказаць шчырую падзяку ўсім, хто дапамог у падрыхтоўцы гэтага вельмі патрэбнага і, спадзяёмся, цікавага для ўсіх вас выданьня.

   Падпісчыкі газэты “БЕЛАРУС”, якія цягам апошняга году ахвяравалі на выдавецкі фонд газэты $50 ці больш, атрымаюць альманах бескаштоўна ў якасьці падзякі за сваю ахвярнасьць, бо толькі дзякуючы іхняй падтрымцы і газэта, і альманах выходзяць у сьвет.

   Усе іншыя аматары беларускай літаратуры могуць замовіць альманах з дасылкаю ў межах ЗША, даслаўшы аплату ў памеры $15 (чэкам ці money-order) на адрас рэдакцыі:

BIELARUS

P. O. Box 3225

Farmingdale, NY 11735

   Чэкі выпісвайце на імя BIELARUS.

   Замовы ў Канаду каштуюць $18, ва ўсе іншыя краіны $20 з улікам перасылкі.

   Падайце, калі ласка, дакладны паштовы адрас, куды трэба будзе даслаць замову.

     Альманах таксама можна будзе набыць на штомесячных сходах нью-ёрскага аддзелу БАЗА. Разьлічваем на вашую падтрымку і зацікаўленасьць.

 -----------------------------

   Паведамляем, што адразу пасьля выхаду літаратурнага альманаху “Беларус” за 2009 год, пачалася падрыхтоўка наступнага нумару, друк якога заплянаваны на жнівень наступнага году.

   Умовы застаюцца такімі-ж як і сёлета. Зьмясьціць свае творы ў альманаху могуць ўсе аўтары, хто піша па-беларуску ў самых розных літаратурных накірунках. Адзінае патрабаваньне – аўтары павінны жыць па-за межамі Беларусі. 

   Свае творы найлепш дасылаць у рэдакцыю электроннай поштай на адрас: hazetabielarus@att.net 

   У выключных выпадках, калі аўтары ня маюць доступу да сусьветнага сеціва, творы можна даслаць поштаю запісанымі на СD ці DVD альбо надрукаванымі на паперы на адрас рэдакцыі:

BIELARUS

P. O. Box 3225

Farmingdale, NY 11735 USA

   Тэксты пажадана пісаць тарашкевіцай. Творы напісаныя наркомаўкай, у альманаху будуць надрукаваныя тарашкевіцай.

   Кожнаму аўтару, хто вырашыць даслаць творы для альманаху, пажадана таксама даслаць свой невялікі партрэтны здымак і кароткую аўтабіяграфію і, калі захочуць, дадатковую інфармацыю пра сябе, якую яны хацелі-б паведаміць сваім чытачам.

   Апошні тэрмін для дасылкі твораў 31 травеня 2010 году.

   Пасьля выхаду альманаху ў сьвет кожны аўтар атрымае адзін асобнік бескаштоўна. Аўтары пры жаданьні змогуць замовіць дадатковую колькасьць асобнікаў па сабекошту, які будзе паведамлены ім пазьней.

   Ганарараў аўтарам рэдакцыя “Беларуса”, нажаль, выплочваць ня можа, бо не зьяўляецца камэрцыйным выданьнем, а існуе выключна дзякуючы падтрымцы падпісчыкаў і ахвярадаўцаў.

   З пытаньнямі кантактуйце рэдакцыю. Жадаем посьпехаў!