Шаноўныя сябры!
Запрашаем адзначыць з намі старадаўні абрад Гуканьня Вясны, як гэта рабілі нашыя продкі штогод. Сьвяткаваньне адбудзецца ў маляўнічых мясьцінах на беразе ракі Гудзон (прыкладна 40 хвілін язды на цягніку ад Мангэтану) каля станцыі Осынінг (Ossining) у суботу 7 сакавіка 2020 году (у выпадку непагоды перанясём на 8 сакавіка) па адрасу:
1 Westerly Road, Ossining, NY 10562
Пачатак а 12-й гадзіне папаўдні. Кошт квітка $20 дарослым і $10 дзецям да 10 гадоў.
Падсілкуемся традыцыйнымі абрадавымі стравамі ў клюбе, а тады ў строях будзем вадзіць карагоды і прасіць птушак прынесьці дoўгачаканую вясну на сваіх крылах. Падчас кульмінацыі сьвята пусьцім саламяную ляльку (а зь ёю і ўсе непрыемнасьці і цёмныя думкі) па хвалях паўнаводнага Гудзону.
Праграма імпрэзы:
12.00–1.00 гадз. – абед.
1.00–2.00 гадз. – Гуканьне Вясны на беразе ракі.
2.00–3.00 гадз. – кава і пачастункі.
3.00–5.00 гадз. – парныя танцы.
З пытаньнямі зьвяртайцеся да арганізатараў Пятра і Алены Рыжых (тэл.(914) 522-0742, емэйл: lenabelarus@yahoo.com), а таксама да Ганны Шарко і Аляксандра Мазгавога (емэйл: sharkohanna@gmail.com).
Сардэчна запрашаем!
--------------------------------------
Наступны сход
Беларуска-Амэрыканскага Згуртаваньня “ПАГОНЯ” адбудзецца 14-га сакавіка 2020 году на Мангэтане ў Доме Маракоў па адрасу:
Seafarers and International House
123 E. 15th Street
New York, NY 10003.
Даезд цягнікамі L, N, Q, R, W, 4, 5,6 да прыпынка Union Square.
Будынак Дома Маракоў знаходзіцца адзін блёк на ўсход ад Union Square па 15-й вуліцы на скрыжаваньні з Irving Place.
Заля сходаў на 2-м паверсе.
Пачатак а 6-й гадзіне вечара.
--------------------------------------
