№ 9 (703) за верасень 2024 г.
Гонка на дно
Большасьць людзей баіцца эзатэрыкі або схаваных ісьцін. Такім чынам яны хочуць пазьбегнуць сутыканеньня з рэальным жыцьцём, такім, якім яно ёсьць у сапраўднасьці. Між іншым тыранія дзяржавы не існавала б, калі б людзі мелі звычку глядзець на эзатэрыку – зазіраць у глыбіню. І гэта была б дрэнная навіна для палітыкаў і чыноўнікаў. Ім трэба было б шукаць сумленную працу, бо людзі назіралі б за імі. Адольф Гітлер казаў: “Якое шчасьце для ўрадаў, што людзі дурныя”.
Палітыкі ня дзейнічаюць на карысьць сваёй краіны ці свайго народу. Але мала хто ведае пра гэта. Безумоўна, прагрэсісты – тыя, хто хоча перадаць кіраваньне ўсімі законамі, кантрактамі, паводзінамі і культурнымі нормамі пад кантроль ураду – ня ведаюць гэтага, інакш яны ў жаху разьбегліся.
Так ці інакш падчас кожных выбараў мы чуем адныя і тыя словы і абяцаньні ад палітыкаў і атрымліваем адно і тое ж ад тых, хто знаходзіцца ва ўладзе. Гэта жахліва. Найлепшая назва цяперашніх “выбараў” – гэта гонка на дно. Абедзве партыі ўпарта зьнішчаюць тое, што засталося, у спробах атрымаць палітычную ўладу. Амэрыканскі народ раней спаў, але цяпер ён прачнуўся... і выступае за тое, каб дзяржава ўлезла ў кожны куток іхнага жыцьця. Дайшлі да мяжы!
Глыбокім фонам цяперашніх падзеяў, нябачным для ўсіх, зьяўляецца масавая псыхалягічная вайна супраць амэрыканскага народу, якую вядзе эліта, што знаходзіцца ва ўладзе на працягу 200 гадоў. Яны хочуць, каб маладыя людзі працавалі і ваявалі, а ўжо нямоглыя старэйшыя выміралі як мага хутчэй... вядома, добразычліва. У будучым, праўдападобна, будзе эўтаназія, а пакуль мы можам аддаць іх пад “пяшчотную” апеку мэдыцынскай установы.
Толькі нешматлікія дасьведчаныя ведаюць, што гэта ідэальнае злачынства і вельмі прыбытковае. Каб не ўдавацца тут у тлумачэньні аб манэтарным рэалізме, прачытайце пра гэта лекцыю Мэрыл Джэнкінс. Тады вы зможаце паверыць у сказанае вышэй, і зьменіцеся назаўжды.
Валодаць сваім эга – значыць жыць у рэальнасьці. Эга – гэта я, і азначае індывідуальнасьць. Звычайнае выкарыстаньне слова эга мае на ўвазе ганарыстасьць, але тут яно проста азначае ўльтра-выяўленьне асобы ў адрозьненьне ад групы.
Групавая дынаміка спрыяе альтруізму і адключэньню розуму ад рэальнасьці. Групы сацыялізуюць людзей і дэгуманізуюць. Тысячы арганізацыяў цягам стагодзьдзяў узьніклі ня проста так. Яны былі натхнёныя зь меркаваньняў кантролю. Простае “братэрства людзей” гучыць даволі нявінна, але гэта цудоўна ў будаўніцтве імпэрыі. Групавы або статкавы інстынкт значна зьніжае патрэбу ў агрэсіўнай паліцэйскай сіле.
Чым большыя масы сагнаныя, тым менш людзей трэба зьверху, каб кантраляваць іх і весьці шоу. Вось чаму абраныя службовыя асобы, якія прызначаныя для таго, каб служыць нам, прэтэндуюць на тое, каб быць нашымі лідэрамі, чыноўнікамі, заканадаўцамі і людзьмі “ўлады”. Улада ненавідзіць людзкую індывідуальнасьць. Менавіта зьнішчэньне асобы зь цягам часу прывяло да цяперашняга стану нашага грамадзтва.
Толькі калі прытрымлівацца асноватворных ідэалаў, такіх як прадстаўнічая рэспубліка, сапраўдная свабода і індывідуальнасць, на якіх была пабудаваная амэрыканская нацыя, яна будзе квітнець. Гэта ніякія не “аўтарытарныя” тэрміны, зь якіх нам варта пасьмяяцца, як хочуць нас запэўніць СМІ. Патлумачыць людзям такія ісьціны – гэта ўмяшаньне ў выбары і хітрая палітычная дэмагогія. Уся рэкляма вакол нас зробленая для таго, каб заспакоіць усіх праз хлеб і відовішчы. Гэта палітычны тэатар. Калектыў хоча, каб на зьмену імкненьню да свабоды і вольнасьці прыйшло імкненьне да матэрыяльных дабротаў і пустых забаваў. Не купляйцеся на гэта!
Б. Л.
